Папулярызацыя беларускай мовы

“Буслік-2018”

Печать PDF
15 лютага вучні гімназіі-каледжа прынялі ўдзел у Рэспубліканскім конкурсе па беларускай мове і літаратуры “Буслік-2018”. У гэтым годзе удзельнікаў было 68. У кожным класе знайшліся жадаючыя паспрабаваць свае сілы ў інтэлектуальным конкурсе. Ён садзейнічае папулярызацыі беларускай мовы сярод вучняў гімназіі-каледжа, развіццю пазнавальнай дзейнасці. Мы спадзяемся, што вынікі яго будуць высокія.

8 лютага 2018 года– 97 год з дня нараджэння Івана Мележа

Печать PDF

8 лютага споўнілася 97 год з дня нараджэння празаіка, драматурга, публіцыста, народнага пісьменніка Беларусі Івана Мележа. У беларускамоўны чацвер 6,7,9-ыя класы паглядзелі прэзентацыю, прысвечаную пісьменніку “Іван Мележ: геній свайго часу”, а таксама відэаролік пра яго жыццёвы і творчы шлях.

   

Iнтэрактыўная віктарына “Ці ведаю я Беларусь?”

Печать PDF
1 лютага ў беларускамоўны чацвер вучні  6-х і 9-х класаў прынялі ўдзел у інтэрактыўнай віктарыне “Ці ведаю я Беларусь?”, дзе змаглі прадэманстраваць свае веды і даведацца пра дзяржаўныя сімвалы Беларусі, яе вядомых дзеячоў, народныя традыцыі, святы.

       

Цiкава пра мову

Печать PDF
18 студзеня ў чарговы беларускамоўны чацвер класныя кіраўнікі 7 "Б", 8 "Б", 6 "А", 6 "Б" класаў, а таксама 3 курса на класных гадзінах правялі інформхвілінкі, на якіх пазнаёмілі вучняў з цікавымі звесткамі пра беларускую мову.

Цікавыя факты пра беларускую мову:

- Нашая мова – адная з самых багатых у свеце. Яна налічвае да 500 тысяч словаў, дыялектная – ад 1,5 да 2 мільёнаў.
- Гісторыя яе пісьменства налічвае больш за 10 стагоддзяў.
- Мова мае тры алфавіты: кірыліца, лацініца і арабская вязь.
- Займела статус дзяржаўнай яшчэ ў ВКЛ.
- Паводле UNESCO – самая мілагучная пасля італьянскай.
- У рэйтынгу моваў паводле колькасці носьбітаў займае 69-е месца.
- Адпаведна апошняму перапісу, назвалі роднаю 53 % насельніцтва.
- Венгерскі матэматык і лінгвіст Андраш Корнай апублікаваў у 2013-м навуковую працу "Лічбавая смерць моў". Ён вывучаў сусветныя мовы, якія знаходзяцца пад пагрозай вымірання ў інтэрнэце і ў электронных прыладах. Беларуская мова апынулася ў ліку бясспрэчна жывых.
- Прыкладам павагі да беларускай мовы для многіх беларусаў служаць паслы замежных краін, якія актыўна выкарыстоўваць яе у публічнай сферы. Адным з першых па-беларуску загаварыў пасол
ЗША Джордж Крол. Яго ініцыятыву падхапілі шведскі пасол Стэфан Эрыксан, літоўскі — Эдмінас Багдонас ды іншыя. Гэтыя замежныя дыпламаты натхнілі на вывучэнне роднай мовы многіх беларусаў.
- Скульптурным увасабленнем адметнасці беларускай мовы з‘яўляецца помнік літары "Ў" у Полацку (2003 год). Ля падножжа скульптуры выбітыя радкі з верша народнага паэта Беларусі Рыгора Барадуліна: "Ад Еўфрасінні, ад Скарыны, ад Полацка пачаўся свет". Аўтар праекту — мастак і дызайнер Ігар Куржалаў.

«Буслік-2017»

Печать PDF

11 студзеня адбылося ўзнагароджанне ўдзельнікаў конкурсу “Буслік-2017”. Ён праводзіцца з 2004 года з мэтай развіцця і падтрымкі цікавасці школьнікаў да вывучэння беларускай мовы, літаратуры і мовазнаўства. Усяго прымала ўдзел 83 навучэнца  5-9 класаў, а таксама 1 курса. З іх 18 атрымалі прызы  3, 4 ступеняў. Спадзяемся, што у гэтым навучальным годзе вынікі будуць яшчэ лепшымі!

                       

                                    

Старонкі жыцця Кузьмы Чорнага

Печать PDF

 14 снежня прайшоў чарговы дзень "Размаўляем па-беларуску". У гэты чацвер навучэнцы гімназіі-каледжа не толькі размаўлялі па-беларуску на перапынках. Навучэнка 1-га курса Пеганава Лізавета пазнаёміла аднакурснікаў з жыццём і творчасцю Кузьмы Чорнага, падрыхтаваўшы прэзентацыю і цікавы матэрыял.

                    

Акцыя «Збіраем бібліятэку твораў Янкі Купалы і Якуба Коласа разам”

Печать PDF
На мінулым тыдні прайшла акцыя, прысвечаная 135-годдзю з дня нараджэння Я.Купалы і Я.Коласа. Вучні ўсіх класаў гімназіі прыносілі з дому кнігі нашых славутых пісьменнікаў. Гэта былі раманы, трылогіі, зборнікі вершаў, казак, апавяданняў. Сярод прынесеных кніг сустракаліся выданыя нядаўна, а таксама  і даволі старыя экземпляры. У кабінеце беларускай мовы і літаратуры з прынесеных кніг атрымалася цікавая выстава, якую можна не толькі разгледзець, але і ўзяць кнігу дамоў для чытання.

Дзякуем усіх, хто прымаў удзел у акцыі!!!

         

Літаратурная віктарына “Славутыя сыны Беларусі: Якуб Колас і Янка Купала”

Печать PDF

Лістапад – месяц , калі нарадзіўся класік беларускай літаратуры Якуб Колас. Таму зноў ў гімназіі-каледжы ўспаміналі 135-гадовы юбілей славутых песняроў. 9 лістапада ў 7-9 класах адбылася літаратурная віктарына “Славутыя сыны Беларусі: Якуб Колас і Янка Купала”. 9-ыя класы адказвалі на пытанні інтэрактыўнай віктарыны па творчасці і жыццёвых шляхах пісьменнікаў. 7 і 8-ыя класы пісьмова адказвалі на пытанні віктарын.

    

Гадзіна паэзіі «Паэтычны свет паэзіі Максіма Танка»

Печать PDF
26 кастрычніка ў 8-х класах прайшла гадзіна паэзіі «Паэтычны свет паэзіі Максіма Танка», прысвечаная 105-гадоваму юбілею беларускага паэта. Правялі яе супрацоўнікі бібліятэкі імя К.Маркса. Яны паказалі прэзентацыю і цікава расказалі пра жыццёвы шлях і творчасць Максіма Танка, а таксама прадэкламавалі вершы на беларускай мове.

     

Турнір па крыжаванкам

Печать PDF

19 кастрычніка вучням усіх класаў было прапанавана на перапынках разгадаць крыжаванкі, філварды на беларускай мове. Гэтыя заданні далі магчымасць вучням узбагаціць слоўнікавы запас, даведацца пра новыя лексічныя значэнні слоў, а таксама праявіць сваю эрудыцыю. Самых актыўных вучняў настаўнікі беларускай мовы ўзнагародзілі станоўчымі адзнакамі па беларускай мове ці літаратуры.

      

Акцыя “Маё любімае слова па-беларуску”

Печать PDF

5 кастрычніка ў гімназіі-каледжы прайшла акцыя “Маё любімае слова па-беларуску”. На перапынках вучні пісалі на плакаце беларускія словы, якія з’яўляюцца блізкімі і дарагімі для іх. Хтосьці пісаў сваё імя, але большасць палічыла самымі дарагімі словамі “бацькі”, “сям’я”, “сябар”, “радзіма”,” Беларусь”.