Вусны часопіс “Беларускія казкі”

31.01.2020

30 студзеня ў 2А класе адбылося мерапрыемства "Беларускія казкі". З вялікім задавальненнем дзеці размаўлялі па-беларуску, успаміналі беларускія казкі і іх герояў, адказвалі на пытанні, адгадвалі загадкі, па-сяброўску працавалі ў камандах. А напрыканцы мерапрыемства дзеці паказалі інсцэніроўку беларускай народнай казкі "Пшанічны каласок". Было цікава і пазнавальна.

Выхавальнік ГПД Кузьміна Р.У.

Урок-падарожжа "Сiмволiка Беларусi"

16.01.2020

Слаўся, зямлі нашай слаўнае імя
Слаўся, народаў братэрскі саюз!
Наша любімая маці – Радзіма,
Вечна жыві і квітней, Беларусь!

М.Клiмковiч i У.Карызна

Быць грамадзянінам Рэспублікі Беларусь і не ведаць сімволіку сваёй краіны - недапушчальна. Павага да яе - гэта павага да сваёй зямлі, свайго народу. Краіна толькі тады незалежная, калі яна можа захоўваць свае святыні, і перш за ўсё самыя галоўныя сімвалы краіны - герб, сцяг, гімн. 16 студзеня ў 2 "В" класе прайшоў урок-падарожжа "Сiмволiка Беларусi". На занятках вучні гаварылі пра дзяржаўную сімволіку нашай краіны, тлумачылі значэнне яе элементаў, адзначылі, што ў ёй адлюстроўваецца гісторыя народа. Кожная дэталь мае важнае значэнне i дае зрокавыя, наглядныя i ў той жа час важныя звесткi пра нашу краiну, наш народ. З задавальненнем дзеці ўспомнілі дзяржаўны гімн, і ўсе разам праспявалі яго. Заняткі скончыліся выставай малюнкаў беларускіх арнаментаў i прыгожых кветак iльну i канюшыны.

Настаўнік пачатковых класаў Шатровіч І. У.