21 лютага – Мiжнародны дзень роднай мовы.

…Трапяткая яна і цымбальная,

Кожным словам зіхціць, як раса.

Мілагучная, непараўнальная,

Як птушыныя песні ў лясах.

З залатымі калоссямі жытнімі

У рамонкава-казачным сне

Наша мова, вякамі спавітая,

Працінае і лашчыць мяне…

Лёля Багдановiч

Вiтаем, шаноўныя!

Бiблiятэка гiмназii-каледжа нагадвае, што 21 лютага – самы час чытаць, гутарыць, пець па-беларуску i слухаць беларускае. Чаму? Усё зразумела: менавiта ў гэты дзень святкуецца Мiжнародны дзень роднай мовы.

Далучайцеся, прыходзьце ў бiблiятэку, будзем разам святкаваць! Беларускае – любае, спрадвечнае, роднае, сваё!